John 18

Jesu Gezemane jufuo juhame rombiŋ

(Mat 26: 47-58” Maò 14: 43-50, 53-54” Luë 22: 47-54)

1Jesu e nunumu dâŋ i muku mufârerâ motecfâcne rocjopame haeonec hurâ Kidoroŋ opâ herâ, mâreŋ mocko jufu gie fowec, ira rambiŋ. 2Jesu â motecfâcne ira gâbâ tumaŋne jumbieŋte Juda docbapa ŋic e jufu i honewec wâc. 3Eme ira hâcne juhapie Judazi kiaraonec momori erâ taha bapa micne â farisaio ŋic jaŋeraonec motec rocjopame waha lambe â šika barâ rambiŋ. 4Eme Jesu e wiac ecneniŋmu i mana-fârehuc jufu tofanao ra bâfuac-joparâ wio-jarewec: “Ŋoŋe mo basaŋgopieŋ?” 5Eme jaŋe mumbiŋ, “Jesu Nazarete rune.” Mupie muwec, “No hâcne ši.” Ehame Juda docbapa ŋic e ŋondeŋ-jeŋicko domawec. 6Eme “no hâcne ši” Jesuzi iŋuc jazame jaŋe rârâpe rahuc rândiŋke qambiŋ. 7Iŋuc epie hâsine wio-jarerâ muwec: “ŋoŋe mo basaŋgopieŋ?” Eme mumbiŋ, “Jesu Nazarete rune.” 8Mupie Jesuzi šiŋuc jazawec: “No ŋazapac i, no hâcne ši. No basacnuŋgopieŋko keci jaŋe behec-jopaniŋ.” 9Iŋuc eme dâŋ kecšiŋuc muwec i sanaŋkewec: “Naremeŋ jaŋe soŋaŋ-jopape moc mi sifuckembiŋ.” 10Eme Simoŋ Petoro e sâqe bajuwec i becsahackonec unuckerâ taha bapa sâko kiŋaŋ motec-ticne hazecne fâreopec i qatarawec. Motec šâŋene Maiko. 11Iŋuc eme Jesuzi Petoro šiŋuc âzâcnewec: “Sâqege becsahacko râec huoc. Me šâic guru Mamac-nanezi râe-narekac, i qikiŋnepemurâ mukic?”

12Eme soŋaŋ-jeŋiczi mume momori â Judaŋic motecfâc-jeŋic jaŋe Jesu rorâ mene qarâ 13Hanasire ficko barambiŋ. Eme dameŋ ira Judaŋic taha bapa sâko-jeŋic juwec, šâŋene Kaifa, eki Hanasire otâ bawec. 14Kaifa eki hâcne Judaŋic šiŋuc jazawec: “Ŋicguru nâŋâc sipiricke-fârenšipeŋte mocjahazi âkehoc-nâporâ hâmome tarazejec.”

Petorozi Jesu mic bawec

(Mat 26: 69-70” Maò 14: 66-68” Luë 22: 55-57)

15Simoŋ Petoro â motec âgo-ticne moc jahe Jesu barahapie šâhec rapic. Eme âgo-ticne e ine taha bapa sâkozi hone jujecte Jesu bâjâperâ ficmaŋko mâmâc rašimbiŋ. 16Petoro eki ine sacrâpeo domawec. Eme âgo-ticnezi taha bapa sâkore ficko jujujecte hurâ sacmotâc soŋaŋ naru e âzâcneme Petoro motâc rocneme sacmaŋko rašiwec. 17Eme motâc soŋaŋ naru eki Petoro honerâ šiŋuc âzâcnewec: “Ŋic kecocnirec motecfâc jaŋere guruonec go moc ine hâcne.” Eme eki muwec, “No aricne.” 18Eme kiŋaŋ motec â momori jaŋe mâmâteŋte šoc ruqerâ ruahuc domahapie Petoro e ŋondeŋ-jeŋicko rarâ iŋuc jaha šoc ruawec.

Taha bapa sâkozi Jesu mu indiŋ ecnewec

(Mat 26: 59-66” Maò 14: 55-64” Luë 22: 66-71)

19Eme taha bapa sâkozi Jesu motec rocjopawec â miti muwec, irec mu indiŋ ecnewec. 20Ecneme Jesuzi dâŋ kecšiŋuc bâtikiecnewec: “No dâŋ hofao tâtâc muekopac, Judaŋic mitificko â taha ufuŋko tumaŋnehapie dâŋ jaza qazuc eekopac, soŋsoŋ mi muekopac. 21Irec wemocte no wio-narekic? Dâŋ jazape manaeŋgopieŋ jaŋe ejaretec muekopac sâc gazapie manac.” 22Iŋuc mume kiŋaŋ motec doma rambiŋ jaŋeraonec moczi Jesu maucnao qahuc muwec, “Go taha bapa sâko dâŋ iŋucne wemocte âzâcnekomec?” 23Eme Jesuzi dâŋ šiŋuc muwec: “Dâŋ hehesic mukopacko fuŋne mutec manape, â tiŋne mukopacko wemocte nukomec?” 24Eme Hanasizi mume Jesu mene qarâ taha bapa sâko Kaifa erao barambiŋ.

Petorozi harierâ mic bawec

(Mat 26: 71-75” Maò 14: 69-72” Luë 22: 58-62)

25Eme Simoŋ Petoro e ine šoc ruahuc domahame wiocnerâ mumbiŋ, “Motecfâc-ticne jaŋere guruonec go moc ine hâcne mecne?” Eme mic barâ muwec, “No aricne.” 26Mume taha bapa sâkore kiŋaŋ motec moc, Petorozi hazecne qatarawec ere qomâ, eki šiŋuc muwec: “Á go jufuo ehec mâmâc jupie honecgupac.” 27Eme Petoro e mic bame izia qâqâczi dâŋewec.

Jesu kiarao barambiŋ

(Mat 27:2, 11-26” Maò 15: 1-15” Luë 23: 1-25)

28Hae fureme Jesu Kaifare fickonec bawaharâ kiarao barambiŋ. Judaŋic jaŋe ine wâwânâŋ erâ aakic hombaŋko bâtâcko junšipiŋte kiare ficko mi fembiŋ. 29Ehuc hae šoŋao domapie Pilatozi šaeo waharâ wio-jarerâ muwec: “Ŋic keci wemo kiŋte bawareŋgopieŋ?” 30Eme jaŋe mumbiŋ, “E sâqocne bapa mi juzac muzac gorao mi bawarenšapeŋ.” 31Mupie Pilatozi šiŋuc jazawec: “Ŋaŋacne sâcmutâc dâŋ sâcko dâŋticne mutaracneniŋ me.” Eme Judaŋic jaŋe mumbiŋ, “Nâŋe ŋic hâmocko rârâec-jopare aka henârekicne.” 32Judaŋic jaŋe iŋuc epie Jesu e jahac hâmoc-ticnere dâŋ muwec, hata i âke fuawec. 33Eme Pilatozi ficmaŋko ferâ Jesu hefârerâ muwec: “Go jâmbomac Judaŋic jaŋere ŋicwofuŋ me?” 34Eme Jesuzi muwec, “Dâŋ i gahacne maŋte mukic me gâcnezi micgao râepie mukic?” 35Mume Pilatozi muwec, “Wiac no Judaŋic me? Go gahacne ŋicfâc â taha bapa micne jaŋe norao râecguŋgopieŋ. Go wemo emeŋ?” 36Eme Jesuzi šiŋuc muwec: “No mâreŋ ŋicwofuŋ aricne, mâreŋ ŋicwofuŋ juzapo muzac momorifâc-nane jaŋe šikazi ŋezicnuhapie Judaŋic jaŋe wemocko rocnunšapiŋ. No ine mâreŋ ŋicwofuŋ aricne.” 37Eme Pilatozi muwec: “Eme go ŋicwofuŋ fuŋmoc?” Mume Jesuzi muwec, “Ine hâcne mukomec, no ŋicwofuŋ fuŋmoc. No dâŋ fâri qizecne mutaniŋkepemurâ mâreŋko waharâ fuapo. Eme moc e dâŋ fâri qizecne jauŋkeocmuzi dâŋnane âgo ecneocmu.” 38Eme Pilatozi šiŋuc muwec: “Dâŋ fâri qizecne i wemo wiac moc?” Iŋuc murâ šaeo mocwâc hurâ Judaŋic šiŋuc jazawec: “No ŋic kecširec kiŋ basakopac. 39Hata-ŋeŋic moc fokac. Ŋoŋe aakic hombaŋko mupie no kâpâcwâru ŋic moc akicke-ŋareekopac. Eme ši manapie sâckeme Judaŋic ŋicwofuŋ-ŋeŋic akickepe juŋarezejec.” 40Eme jaŋe harierâ owackehuc mumbiŋ: “Aricne, e mâcne, Baraba akicke-nârec.” Baraba e ine šikaŋic.